எலுமிச்சம் பழம்

எலுமிச்சம் பழத்தை   மாந்திரீகத்திற்கு   ஏன்   பயன்படுத்துகின்றனர் என்று தெரியுமா?

இன்றைய காலகட்டத்தில் அறுபதுக்கும் மேற்பட்ட எலுமிச்சம் பழ வகைகள் உள்ளதாக கூறுகின்றனர். ஆனால் நமக்கு தெரிந்ததும் நாம் பயன்படுத்துவதும் இரண்டு வகைகள்தான். ஒன்று நாட்டு எலுமிச்சம் பழம் மற்றொன்று கொடி எலுமிச்சம் பழம்.

எலுமிச்சம் பழத்தை சர்பத் போட்டு குடிப்பதும் ஊறுகாய் போடவும் பல வகைகளில்  உணவாக பயன்படுத்துவதையும் நாம் அறிந்ததே மேலும் வைத்தியத்திற்கு பயன்படுத்துவதையும் நாம் அனைவரும்  நன்கு அறிந்த விசயம்தான்.

அடுத்து சுப காரியங்களுக்கு பயன்படுத்துவதில் எலுமிச்சம் பழத்திற்கே முதலிடம் எலுமிச்சம் பழத்தை திருஸ்டி களிக்கவும் மற்றும் மந்திர தந்திர வேலைகளுக்கும்  பயன்படுத்துவதையும் நாம் அனைவரும் அறிந்ததே ஆனால்  எலுமிச்சம் பழத்தை மட்டும் ஏன் பயன்படுத்துகின்றனர்.

கொஞ்சம் சிந்தித்துப் பாருங்கள் உங்களுக்கே புரியும். உலோகங்களுக்கு மட்டும்தான் மந்திரங்களை உள்வாங்கும் சக்தி உண்டு அதுவும் குறிப்பாக தங்கம் வெள்ளி செம்பு இந்த மூன்று உலோகங்கள் பயன்படுத்தப்படுகிறது.

இன்னம் கொஞ்சம் விபரமாகவே சொல்கிறேன்.  யந்திரம் மற்றும் தாயத்து பற்றி நீங்கள் அறிந்ததுதான். இவை இரண்டையும் உலோக தகடுகளில் மந்திரங்களை உரு ஏற்றி செய்கின்றனர். தங்க தகட்டில் மந்திரங்களை உரு ஏற்றினால் நீண்ட காலம் பயன்படுத்த முடியும் என்றும் வெள்ளி தகட்டில் மந்திரங்களை உரு ஏற்றினால் தங்கத்தைவிட குறைவான காலமும்.  செம்பு தகட்டில் மந்திரங்களை உரு ஏற்றினால்  தங்கம் மற்றும் வெள்ளியைவிட குறைவான காலம்தான் மந்திரங்கள் பயன்தருமாம். உலோகத்திற்கும் மந்திரத்திற்கும் உள்ள தொடர்பு இப்போது புரிந்திருக்கும்.

எலுமிச்சம்பழத்தில் செம்பு சத்து அதிகமாக இருக்கும் காரணத்தினால்தான் மந்திர தந்திர வேலைகளுக்கு எலுமிச்சம்பழத்தை பயன்படுத்துகின்றனர். என்பது இப்போது புரிந்திருக்கும்.

Read More

Can You Turn Lead into GOLD?

         இந்த வீடியோவை பார்த்திருப்பீர்கள் இதுதான் தற்போதைய அறிவியல் இது இந்த வீடியோவில் சொல்வது எந்த அளவு சாத்தியம் என்பது எனக்கு தெரியவில்லை, ஆனால் நமது தமிழ் இரசவாத அறிவியலின் பெருமை  புரியும்படி விரைவில் நான் கூறுவேன். விரைவில் என்றதும் உடனே எதிர் பார்க்கவேண்டாம் இது எளிதான காரியம் அல்ல அதற்கு கால தாமதம் ஆகும். 

Read More

Turn Lead into Gold!

Turn Lead into Gold! || MinuteLaboratory #4

Read More

MERCURY LINGAM

சுமார் 11 கிலோ எடையுள்ள பாதரச லிங்கம்

11Kg Lingam IMAGE 1

சுமார் 1 கிலோ எடையுள்ள பாதரச லிங்கம்

1 Kg Lingam IMAGE 1

1 Kg Lingam IMAGE 2

1 Kg Lingam IMAGE 3

Read More

MERCURY NANTHI

பாதரச நந்தி

சுமார் 5 கிலோ கிராம் எடையுள்ள பாதரச நந்தி IMAGE 1

சுமார் 5 கிலோ கிராம் எடையுள்ள பாதரச நந்தி IMAGE 2

சுமார் 300 கிராம் எடையுள்ள பாதரச நந்தி IMAGE 1

Read More

இரசமணி

இரசமணி 

 ஒரு மணி சுமார் 10 கிராம் எடை

Hover over the image:

Read More

இரசவாதம்

இரசவாதம்

''உப்பை யறிந்தவ னேவா திசகத்

  துப்பை யொழிந்த வனே யோகி

  தப்பிலை யேபூமி நாத மகிமையைச்

  சார்ந்து பாரடி ஞானப்பெண்ணே!

  வீட்டி லிருக்குதொரு மூலம் வெளிக்

  காட்டிலிருக்கு திருமூலம்

  மாட்டி லிருக்கும் பெரியோர்க்கு

  ரசவாதமி தல்லவோ ஞானப்பெண்ணே!''

                               -மதுரை வாலைசாமி ஞானக்கும்மி.

Read More

வாத யோகம்

வாத யோகம்

"உண்ணவே மவுனரச வாத யோகம்
  உத்தமனே வானிரச வாத தாது
  விண்ணுறையும் யோகரச வாதத்திற்கு
  விந்து நாதப் பொருளை விளம்பக்கேளு
  தன்னிரையும் தாது ரசவாதத்திற்குச்
  சதுரான லவணமதே விந்து நாதம்
  பண்ணரிய விரண்டிற்கும் பேரொன்றாகும்
  பாடையினாலுவமானம் பற்றி பாறே
  பாரப்பா விரண்டிற்கு மொரு பேரிட்டு
  பாடினா ருவமானப் பாடையாலே
  வாரப்பா தாது விந்து வழலைக்கும் பேர்
  மவுனமென்ற வாசியோக வாழ்க்கைக்கும் பேர்
  ஆரப்பா விதையெடுத்ததிலே சொல்வார்
  அதையெடுத்ததில் புகட்டியது வாமென்பர்
  கூறப்பா நாதவிந்து முடித்த பேர்க்குக்
  கூச்சமற்ற ஞானமெனும் பொருள் தான்வாய்க்கும்
  சாரப்பா லவணவிந்துபூமி நாதம்  

  தமையறிந்து முடித்தவர்க்கு தங்கமாமே"

--(அகத்தியர் பரிபாஷை திரட்டு 500--முதல் காண்டம்)

Read More

இரசவாதமும் மூலிகையும்

இரசவாதமும் மூலிகையும்

     இரசவாதத்தில் ஈடுபடுபவர்கள் மூலிகைகளையும் அதனுடைய வேதிவினையை நன்கு அறிந்திருந்தால் அவர்கள் இரசவாதத்தில் அடுத்த படியைத் தொடர இலகுவாக இருக்கும். உதாரணத்திற்கு சில மூலிகைகளின் செயல்களை கீழே காண்போம். 

1.ஓரிதழ் தாமரை      -    கெந்தியை பற்பமாக்கும்.

2.கரு ஊமத்தை         -    பாதரசத்தைக் கட்டும்.

3.குமரிச்சாறு             -     இரும்பையும் துரும்பாக்கும்.

4.வேலிப்பருத்தி       -   எதையும் சுண்ணமாக்க உதவும்.

5.புகையிலை           -    வெடியுப்பைச் சுண்ணமாக்கும்.

6.வெண் பூசணி       -    பாஷாண நச்சு வேக்காடு, இடு மருந்து போக்கும்.

Read More

உப்பு, பாஷாண வேதியியல் வினைகள்

உப்பு, பாஷாண வேதியியல் வினைகள்

              

         இரசவாதிகள் தெரிந்துகொள்ள வேண்டிய உப்பு மற்றும் பாஷாணங்களின் வேதி வினைகளைப் பற்றி காண்போம்.

1.அஞ்சனக்கல்                                     -   அயத்தைப் பற்பமாக்கும்.

2.அப்பிரகம்                                                          -   பாதரசத்தைக் கட்டும்.

3.அரிதாரம்                                           -     வங்கத்தை நீற்றும், கட்டும்.

4.கற்கடக சிங்கி பாஷாணம்            -     நாகத்தை செந்தூரமாக்கும்.

5.கல்பாஷாணம்                          -  காரீயத்தைக் கட்டும்.

6.கார்முகில் பாஷாணம்                  -   அரிதாரத்தைக் கட்டும்.

7.கெந்தி பாஷாணம்                          -   இலிங்கத்தைச் சொர்ணமாக்கும்.

8.கோளக பாஷாணம்                       -  வெண்வங்கத்தை செந்தூரமாக்கும்.

9.கௌரி பாஷாணம்                         -   சூதத்தை செம்பாக்கும்.

10.சங்கு பாஷாணம்                          -   சூதத்தை செம்பாக்கும்.

11.சிலாமத பாஷாணம்               -   செம்பை வெள்ளியாக்கும்.

12.பாதரசம்                                -  காந்தத்தை ஈயமாக்கும்.

13.தாளம்பக பாஷாணம்                -    நாகத்தை தங்கமாக்கும்.

14.துத்தம்                                           -  தாளகத்தை வெள்ளியாக்கும்.

15.தொட்டி பாஷாணம்                   -   நாகத்தைச் செம்பாக்கும்

16.மனோசிலை                                -   ரசத்தைக் கட்டும்.

17.இலிங்கம்                                     -  செந்தூரத்திற்கு ஆதி.

18.வீரம்                                              -  காரீயத்தைச் செம்பாக்கும்.

19.வைக்கிராந்தப் பாஷாணம்      -  நவலோகங்ளையும் நீற்றும்.

20.அயத்தொட்டிப் பாஷாணம்     -   களங்குகளுக்கு ஆதி.

21.இரசித பாஷாணம்                -    நவலோகங்களையும் வெள்ளையாக்கும்.

22.காக பாஷாணம்                         -    தாரத்தை கறுப்பாக்கும்.

23.கெந்தக பாஷாணம்             -  ரசத்தை செந்தூரமாக்கும்.

24.சவ்வீரம்                             -  நவலோகத்தை சுண்ணமாக்கும்.

25.துத்தம்                                        -   தாரத்தை நீற்றும்.

26.நாக பாஷாணம்                       -  நாகத்தை தங்கமாக்கும்.

27.நீலக்கல் பாஷாணம்              -  வெள்ளியில் பசுமை நிறம் தரும்.

28.மிருதார் சிங்கி                   -   இரசத்திற்கு ஆதி.

29.வெள்ளைப் பாஷாணம்         -  வெள்ளீயத்தை சுண்ணமாக்கும்.

30.வங்க நீரால்                              -  கெந்தகத்தைக் கட்டலாம்.

31.கருவங்க நீரால்                       -  இரசத்தையும், கெந்தகத்தையும் கட்டலாம்.

Read More

பாஷாண உபரசங்களும் அதன் வேதிவினைகளும்

பாஷாண உபரசங்களும் அதன் வேதிவினைகளும்.

1.துரிசு                                                 -   இரசத்தைக் கொல்லும்.

2.பொன் நிமிளை                             -   தங்கத்தை சுண்ணமாக்கும்.

3.கஞ்ச நிமிளை                               -   வெண்கலத்தை சுண்ணமாக்கும்.

4.உலோக நிமிளை                         -    இரும்பை குருவாக்கும்.

5.காக நிமிளை                                  -    தராவைச் சுண்ணமாக்கும்.

6.முத்துச் சிப்பி                                 -    நவச்சாரத்தைக் கட்டும்.

7.அஞ்சனக்கல்                                 -    சரக்கெல்லாம் ஈயமாக்கும்.

8.இராசவர்த்தக்கல்                        -    நவலோகத்தை வேதையாக்கும்.

9.நண்டு                                                -    சூதத்தைக் கட்டும்.

10.கிளிஞ்சல்                                      -   வங்கம் பாஷாணம் முதலியவைகளின் 

                                                                      தோசத்தைப் போக்கும்.

11.யானைக் கொம்பு                        -   வெடியுப்புக் கம்பியைக் கட்டும்.

12.பன்றிக் கொம்பு                            -   வீரம் குருவாகும்.

13.மாட்டுக் கொம்பு                          -   பாஷாணம் செந்தூரமாகும்.

14.முத்து                                               -   இரசத்தை மணியாக்கும்.

15.பவளம்                                             -   இரசத்தை ஏமமாக்கும்.

16.சூடாலைக்கல்                              -   நவலோகங்கள் செந்தூரமாகும்.

17.மஞ்சட்கல்                                     -   கெந்தகம் செம்பாகும்.

18.மாக்கல்                                           -   தாளகம் ஈயமாகும்.

19.சிலாவங்கம்                                  -   பாஷாணம் பற்பமாகும்.

20.அன்னபேதி                                    -   இலிங்கம் மெழுகாகும்.

21.சொர்ணபேதி                                 -   நவலோகத்தையும் தண்ணீராக்கும்.

22.உவர்மண்                                       -   தாது பற்பமாகும்.

23.கருமணல்                                      -   தங்கத்தை குருவாக்கும்.

24.செம்மண்                                        -   காரீயம் செம்பாகும்.

25.சுத்தமண்                                        -    அயம் செம்பாகும்.

26.பன்றி முள்                                     -   இரசம் வெண்மையாகும்.

27.எலி முள்                                        -    வீரம் செம்பாகும்.

28.மீன் எலும்பு                                  -    கௌரி பாஷாணம் ஈயமாகும்.

29.முள் சங்கு                                     -   வெள்ளை ஈயமாகும்.

30.நாகப்பச்சை                                   -    உருக்கு செம்பாகும்.

31.மரகதப் பச்சை                             -   அயம் செம்பாகும்.

32.வெள்ளை சுக்கான் கல்             -   வெள்ளீயம் வெள்ளியாகும்.

33.காகச் சிலை                                  -    காந்தம் செம்பாகும்.

34.மந்தாரச் சிலை                            -    சூடன் செம்பாகும்.

35.சாலக் கிராமம்                              -    தங்கம் செம்பாகும்.

36.மாந்துளிர் கல்                              -    கெந்தகம் செம்பாகும்.

37.முட்டை                                           -    வெள்ளீயத்தில் நீர்வாங்கும்.

38.கற்களி                                              -    வெள்ளீயம் செம்பாகும்.

39.செம்பு மணல்                                -    சவ்வீரம் செம்பாகும்.

40.நாக மணல்                                     -    இரசம் செம்பாகும்.

41.காரீய மணல்                                 -    இலிங்கம் செம்பாகும்.

42.உலோக மணல்                             -    மனோசிலை செம்பாகும்.

43.கடுஞ்சுக்கான்                                 -    குதிரைப் பல் பாஷாணம் செம்பாகும்.

44.நாகச்சிலை                                     -     நவலோகம் செந்தூரமாகும்.

45.ஏம சிலை                                         -    பாஷாணங்கள் செந்தூரமாகும்.

46.காரியச் சிலை                                -     பச்சை கற்பூரம் செம்பாகும்.

47.வெண்கலச் சிலை                        -     வெடியுப்பு செம்பாகும்.

48.செம்புச் சிலை                                 -    கல்லுப்பு செயமாகும்.

49.ஆட்டுக் கொம்பு                              -    உப்பெல்லாம் சுண்ணமாகும்.

Read More

இரசமணி

இரசமணி

"வெந் தணலில் ரசம்வைத்து ஐந்து லோகத்தையும்
  வேதித்து விற்றுண்ணலாம்
  வேறொருவர் காணாமல் உலகத் துலாவலாம்
  விண்ணவரை ஏவல் கொள்ளலாம்
  சந்ததமும் இளமையோ டிருக்கலாம்
  மற்றொரு சரீரத்தினும் புகுதலாம்."

                                                                               - தாயுமானவர்

Hover over the image:

Read More

இரசவாத இரகசியங்கள் ஏழு

 இரசவாத இரகசியங்கள் ஏழு 

1.குற்றமில்லாத சிவப்பு நிற இரசமும் கெந்தியும் சம அளவில் சேர்ந்தால் தங்கம் உண்டாகும்.

2.குற்றமுள்ள இரசமும் கெந்தியும் சம அளவில் சேர்ந்தால் செம்பு உண்டாகும்.              

3.குற்றமுள்ள இரசம் சிறு அளவிலும் குற்றமுள்ள கெந்தி பெரு அளவிலும் சேர அயமுண்டாகும்.

4.குற்றமுள்ள இரசம் பெரிதும், குற்றமுள்ள கெந்தி சிறிதும் சேர வெள்ளீயமுண்டாகும்.

5.குற்றமுள்ள இரசம் அதிகமாகவும், அதை விடக் குற்றம் அதிகமுள்ள கெந்தி குறைவாகவும் சேர காரீயம் உண்டாகும்.

6.குற்றமுள்ள இரசமும், அதைவிட அதிக குற்றமுள்ள கெந்தியும் சேர நாகமுண்டாகும்.

7.சுத்தமான இரசமும் தாளகமும் சம அளவில் சேர வெள்ளி உண்டாகும்.

Read More

HYDRARGYRUM - பாதரசம் (MERCURY)

 பாதரசம் 

 HYDRARGYRUM  -  (MERCURY) 

             மலைகளில்   உள்ள   இயற்கை  சூழ்நிலையால்  மோதல்கள்  உண்டாகும்.  அப்போது  நிலத்தில்  பல  மைல்கள்  ஆழத்தில்  உள்ள தீக்குழம்பு  கொதித்துக்  குமுறி  எரிமலையாக  வெளிவரத்  தொடங்குகிறது  அப்போது  பூகம்ம்  உண்டாகிறது  பூகம்பம்  உண்டாகி  எரிலைத்  தீ  வெளிவந்தவுடன்  நிலத்தின்  குமுறல்  அடங்குகிறது  எரிமலையில்  வெடித்துச்  சிதறிய குழம்புகள்  கொதிக்கும்  நீராக நிலத்தில்  வந்து  தேங்குகின்றது,  அதன்  நடுவிலிருக்கும்  பகுதிகள்  ஆவியாக மாறி  குளிர்ந்தவுடன்  சில வகைப்  பொருட்கள்  கிடைக்கின்றன.  அப்படிக்  கிடைப்பதுதான்  பாதரசம்!  இது  பாதரசமாகவோ  லிங்கமாகவோ  ககிடைப்பதாக  கூறுகின்றனர்.

            ஸ்பெயின்,  கலிபோர்னியா,   இத்தாலி,   ரஷ்யா,  சைனா,  ஜப்பான், முதலிய  நாடுகளில்  இது  கிடைக்கிறது.  இந்தியாவில்  லிங்கத்தில்  இருந்து  வாலை  ரசமாகப்  பிரித்து  எடுக்கப்படுகிறதாம்.

       பொதுவாக  செந்நிறமுடையது   ரசம்,  கருமை  நிறமுடையது  இரசேந்திரன்  மஞ்சள்  நிறமானது  சூதம்.  பல  நிறமுள்ளது  மிச்ரம்  வெள்ளையானது  பாதரசம்  என ஐந்து  வகையாகச்  சொல்லப்படும்.

        இது  அறுசுவைகளையும்  கொண்டது.  குறிப்பாக  இனிப்புச்  சுவை  உடையது.   இது  எந்தப்  பொருளின்  துணையும்  இல்லாமல்  தனித்தே  செயல்படக்  கூடியது.

            வெப்பம்,  சீதம்  ஆகிய இரண்டு  வீரியங்களையும்  உடைய இதை  எந்த  துணை  மருந்தோடு  சேர்த்துக்  கொடுக்கிறோமோ  அதன் தன்மையை  பெறுகிறது.

        ரசத்தை ஏதாவது ஒன்றுடன் சேர்த்து அரைக்கும் பொழுது  நீர்போல்  கலப்பதை  'ஜலகதி'  என்பர்.  அழுக்காக  பிரிந்து   நிற்பதை  'மலமதி'  என்பர்.  எத்தனை  தடவை  அரைத்தாலும்  கலவைப்  பொருளை  விட்டுப்  பிரிந்து  நிற்கும்  நிலையை  'ஹம்சக்தி'  என்பர்.  எரிக்கும்  பொழுது  ஆவியாகும்  நிலை  'தூமகதி'  என்று  சொல்லப்படுகிறது.

             காரம்,  சூதம்,  புண்ணியம்,  கற்பம்,   சாமம்,  சத்துக்குரிய விரோதி,  சாதி,  சூத்திரன்,  துள்ளி,  ஈசன்,  வீரியம்,  சூழ்ச்சி,  நீர்,  விண்ணி நீர்,  வீண்  மருந்து  ரதம்,  சுக்கிலம்,  போகம்,  ஞானம்,  சுயம்புரு,  வண்டு,  நாகம்,   இலக்கியம்,  விஜயம்,  வேகம்,  மூலம்,  சிந்தூரம்,  சிந்து,  பக்கிரம்,  பதிணெண்பத்தி,  பாரதம்,  கனல்,  பூதம்,  இனிமை,  சிவசக்தி,  வருணத்தோன்,  தனிமை,  சங்கரன்  விந்து,  பனிமை,  பராபரம்,  பாய்ந்திடு தூமம்,  கனிமை,  சரக்கிற்  கலந்திடு  சீவன்,  சிவன்  விந்து,  காவன்,  சிதறிக் காண்போன்,  கேசரி,  வேந்தன்,  பாவன்,  அந்தர கந்தன்,  ஆதி,  வராட்டியன்,  சுந்தரம்,  சொற்குறி,  தூமம்,  மதாமரம்,  மந்தரம்,  மஞ்சி,  மாருதம்,  மகிபன்,  விந்தரமசிலை,  கணவன்,  மலைக்குறவன்,  வாசுகி நாதன்,  கந்தன்,  காவக்குடியோன்.  சிவம்,  விந்து,  வஞ்சகம்,  மனவேகி,  கமலினி,  மகாதேவபலம்,  அரவீரியம்,  ரௌத்ரகாரம்,  கந்தம்,  சாறு   என்கின்ற  அநேக பெயர்களால்  இலக்கியங்களில்  குறிப்பிடப்படுவதிலிருந்தே  இதன் பெருமையை உணரலாம்.

             தாது, தாவர, உயிர்ப்பொருட்கள் அனைத்திலும் உள்ள குணங்களை விட ஒப்புவமை இல்லாத தனிச்சிறப்பு பாதரசத்திற்கு உண்டு. இயற்கை அளித்துள்ள அற்புத சரக்கு இது.

         பாதரசத்தை வேதியியல்படி எவன் ஒருவன் பக்குவப்படுத்தக் கற்றுக் கொண்டு விடுகின்றானோ அவனால் எல்லா உலோகங்களையும் செயற்கையாக உருவாக்க  முடியும்.

    இரசவாதத்தில் பாதரசமும் கெந்தகமுமே தலையாய இடத்தை வகிக்கின்றன.

  வேறு சில பொருட்கள் சில நோய்களுக்கு சிறப்பாக சொல்லப்பட்டிருந்தாலும்  வேறு  சில  நோய்களுக்கு  கொடுக்கக்  கூடாதென  மறுக்கப்பட்டுள்ளன.  சீதளத்தில்  உண்டாகும்  நோய்களுக்கு  பயன்படும்  மருந்துகள்  வெப்பத்தினால்  உண்டாகும்  நோய்களுக்கு  பயன்படாது.

            உள்   மருந்தாகப்   பயன்படுத்தப்படும்   சில   மருந்துகள்  வெளி  மருந்தாகப்  பயன்படுத்த இயலாது,  ஒன்றிற்கு  நன்மை  தருவது  மற்றொன்றிற்கு  தீமை  தரும்.  ஆனால்  இரசமோ  அப்படிப்பட்டதல்ல,  சீதளம்,  வெப்பம்  மட்டுமின்றி,   உள்,  வெளி  மருத்துவ  முறைக்கும்  பயன்படும்.  இது  எந்த வீரியங்களில்  உள்ள பொருளோடு  சேருகிறதோ  அந்தப்  பொருளின்  வீரிய்த்துடன்  சேர்ந்து  வலிமை  உண்டாக்கும்  எதிரிடையான வீரியத்துடன்  உள்ள பொருட்களுடன்  சேரும்பொழுது  தனது தனித்தன்மையையும்  விட்டுவிட்டு  அந்தப்  பொருளின்  தன்மைக்கு  ஏற்றபடி  மாறிவிடும்.

"வழிநோய்  கிரந்திகுன்ம மெய்ச்சூலை  புண்குட்

  டழிகாலில்  விந்துவினா  லத்தை - வழியாப் 

  புரியும்விதி  யாதும்  புரியுனோ  யெல்லா

  மிரியும்விதி  யாது  மிலை."

       கண்  நோய்,  கிரந்தி,  எண் வகைக்  குன்மம்,  சூலை, தொழுநோய்  முதலியன போக்கும்.

நட்புச்  சரக்குகள்:

       அப்பிரகம்,   காரீயம்,   சிலை,   கெந்தி,   வீரம்,   தாளகம்,  தொட்டி பாஷாணம்,  வெள்ளி,  செம்பு,  துருசு,  சாரம்,  காரம்,  துத்தம்,  தீமுருகல்,  பவளப்புற்று,  அஞ்சனக்கல்  முதலியவை  நட்புச்  சரக்குகள்.

பகைச்  சரக்குகள்:

        சிங்கி,  கௌரி,  வெள்ளை,  குதிரைப்பல்,  சத்திச்சாரம்,  வெடியுப்பு,  இரும்பு,  காந்தம்,  சூடன்,  பூரம்,  பொன்னம்பர்,  கற்சுவரு,  நிமிளை,  பூநீறு  ஆகியவை  பகைச்  சரக்குககள்  ஆகும்.

            தற்போது  நவீன முறைப்படி  வாலை  முறையில் ( Distillation ) பாதரசம்  கிடைக்கிறது.

            இயற்கையாகத்  தாதுப்  பொருளாகக்  கிடைக்கும்,  இலிங்கத்திலிருந்து  கிடைக்கும்  இரசமே  சுத்தி  செய்த இரசத்திற்கு  ஈடானது.

Read More